XUNTOS

Somos un grupo representativo de familias con enfermidades raras e intereses, necesidades e inquietudes comúns, de aí a asociación.

Os nosos nenos e nenas teñen necesidades semellantes: diagnóstico precoz, tratamentos e/ou terapias que perduran no tempo e, sobre todo, o noso amor. Todo isto é a base da súa calidade de vida e ao mesmo tempo da das súas familias.

E iso é o que queremos ofrecer dende aquí, non só aos nenos e nenas da Coruña, senón aos de toda Galicia.

Cremos na investigación, na formación, nos tratamentos innovadores e na xenética, aportaremos o noso gran de area.

Gustaríanos axudar aos nenos e nenas e tamén ás súas familias porque o necesitan tanto coma eles.
Por iso queremos contar contigo.